1,095 Бардыгы /

Жаңы-Өзөн шаарынан жумуш издеген бир топ адам 13-июнда Нур-Султандагы Казакстан президентинин администрациясы – Акорданын алдында чогулушту.

Жаңы-Өзөн тургундары буга чейин мунайгаз тармагынан жумуш берүүнү талап кылып, Жаңы-Өзөн акимчилигинин алдында түнөп жүрүшкөн. Акимчиликтин иш таап бербегенине нааразы болгон эки тургун 9-июнда өзүнө кол салып, ооруканага жеткирилген.

Жаңы-Өзөндүн 20-30 жаштардагы 12 жашоочусу президенттик акимчиликтин кызматкерлери менен сүйлөшкөндөн кийин Казакстандын башкы мамлекеттик эмгек инспектору Төлеген Оспанкулов жана эмгек министрлигинин өкүлдөрү менен жолугушту.

Жаңы-Өзөндүн жашоочулары министрликтин өкүлдөрүнө аким алардын маселесине жеткиликтүү көңүл бурбай жатканын, анын тургундарды мунай тармагына жумушка орноштуруу планы түшүнүксүз экенин айтышты.

—Кезекте турганыбыз тууралуу талон беришет. Бирок кезек кантип жылып жатканы белгисиз. Бул план боюнча жети-сегиз жылга чейин жумушка орношо албайт окшойбуз. Ал эми “Өзенмунайгаз”, “Бургылау” сыяктуу мунай компанияларынын мунайчылары “бир нече жумушту катары менен иштейбиз, жумуш оор” дешет, – деди чогулгандардын бири.

Анын сөзүн кубаттаган башка бир тургун Ерлан Отенов Жаңы-Өзөндүн акими “жалган жумуш орундарын сунуштап жатат” деп эсептейт.

— Акимчилик сунуштаган жумуштардын маянасы 180 миңден 240 миң теңгеге чейин (400 доллардан ашуун) деп көрсөтүлүп турат. Бирок булар “жалган” жумуштар. Телефон чалсак, “азыр эле адам алып алдык” деп коюшат, – деди ал.

Ал жумушсуздук маселесин чечүү үчүн аймакта мунай өнүмдөрүн кайра иштете турган завод куруу керек деп эсептейт.

Маңгыстау акимчилиги атайын комиссия түзүп, 500дөй жумушсуз киши иш менен камсыздалганын жарыялаган. Өткөн аптада вице-пермьер Ералы Тугжанов Жаңы-Өзөндө нааразылык өткөрүп жаткандардын талабын аткаруу мүмкүн эместигин айткан.

WWW.