3,318 Бардыгы /

ОШ. Ош – Эркечтам автоунаа жолундагы кырсыктан эки адам каза таап, дагы төртөө жабыркады. Бул жөнүндө ИИМдин Жол кыймылынын коопсуздугун камсыздоо башкы башкармалыгынан билдиришти.

Маалыматка караганда, кечээ саар болжол менен саат 08:00дө Ош – Эркечтам унаа жолунда 1988-жылы туулган Б.Айткулов “Форд-Фокус” унаасы менен түндүкьөн түштүктү көздөй бара жатып 1973-жылы туулган А.Рахмановдун башкаруусундагы “Хундай-Портер” менен кагышкан. Бул кырсыктын кесепетинен “Форд-Фокуста” бара жаткан 1993-жылы туулган Бекмурза уулу Ж. окуя болгон жерде эле, ал эми 1978-жылы туулган А.Кубатбеков ооруканада каза табышты.

Булардан тышкары дагы эки унаадан 4 киши жабыркап, баары тең ооруканага жеткирилди.

Алишер ТОКСОНБАЕВ, өз кабарчы