42 Бардыгы /

Жол кыймылынын коопсуздугун камсыздоо башкы башкармалыгы жол унаа кырсыктарынын алдын алуу  жана коомдук коопсуздукту камсыздоо максатында дем алыш күндөрүнүн соңунда өлкө аймагында “Бахус” аталышында рейддик иш-чарасын өткөрүп, сутка ичинде жол эрежелерин бузган 4352 айдоочуну аныкташты.

ЖКККББнын басма сөз кызматы билдиргендей, алардын ичинен:

 -мас абалында унаа башкарган 73 айдоочу;

-карама-каршы тилкеге чыккан 35 айдоочу;

– ылдамдыкты ашырып  айдаган 432 айдоочу;

-терезелерин мыйзамсыз караңгылаткан 15 айдоочу;

-тийиштүү документтери жок унаа башкарган 88 айдоочу кармалган.

 Ошондой эле 234 авто унаа жол эрежелерин одоно бузгандыгы үчүн убактылуу токтотуучу айып короо жайына токтотулган.

 Мындай рейддик иш-чара жол  кырсыктарынын алдын алуу максатында дагы улантылмакчы.