2,085 Бардыгы /

Казакстандын президенти Касым-Жомарт Токаев «Саясий партиялар жөнүндө» жана «Шайлоо жөнүндө» мыйзамдарга өзгөртүүлөрдү киргизүү тууралуу мыйзам долбооруна кол койду.

Өзгөртүүлөргө ылайык, саясий партияларды каттоо үчүн мурдагыдай 40 миң эмес, 20 миң мүчө жетиштүү болот.

Мындан тышкары документте шайлоого аттанган партиялардын тизмесинин 30% кем эмес бөлүгүн аялдар менен жаштарга (29 жашка чейинкилер) берүү каралган.

Талкуу жараткан бул мыйзам долбоорун казак парламенти 21-майда жактырган. Бийлик өзгөртүүлөр аялдар менен жаштардын коомдук-саясий жараяндарга аралашуусуна өбөлгө болорун билдирүүдө. Активисттер мыйзам парламентке көз карандысыз талапкерлердин келүүсүнө шарт түзбөй турганын айтып, сындап келишкен.

Казакстанда расмий түрдө алты партия каттоодон өткөн. Парламентте үч партиянын өкүлдөрү бар: мурунку президент Нурсултан Назарбаев башкарган «Нур-Отан» партиясы, бийликчил «Ак жол» партиясы жана «Коммунистик элдик партия».

www.