978 Бардыгы /

МОСКВА. Кыргыз Республикасынын Президенти Сооронбай Жээнбековдун Орусиядан Кыргыз жарандарын Мекенине кайтаруу жөнүндөгү тапшырмасына ылайык үстүбүздөгү жылдын 1-июлунан 31-июлуна дейре Орусиядан 35 чартердик авиакаттам жана 32 автобус менен жалпы жонунан 7986 мекендешибиз Кыргызстанга алып келинди.

Бугша улай Кыргызстандагы эпидемиялык кырдаалдын начарлашына байланыштуу азырынча туруктуу авиакаттамдар жүргүзүлө электигин жана Орусия-Казакстан чек арасы жабыктыгын Кыргыстандын Орусиядагы Элчилиги баса белгилейт. Ошондой эле мекендештерин чыдамкай болууга жана Орусия-Казакстан чек арасы тарабына барбоого чакырат.

Ушул тапта Кыргыстандын Орусиядагы Элчилигинин жана Кыргыз Өкмөтүнө караштуу Мамлекеттик миграция кызматынын Орусиядагы расмий Өкүлчүлүгүнүн сайттарында, ошондой эле, социалдык тармактарда (Instagram – predstavitelstvo_migrasii_kr; FaceBook – Мамлекеттик миграция кызматынын Өкүлчүлүгү) 3 500 миңден ашык вакансиялар жөнүндө маалыматтаратылды. Мындан тышкары Кыргызстанда эпидемиологиялык кырдаал татаал экендигин эске тутуп, Мекенине тез арада чыгууга себептери жок жарандарды,кырдаал юиротоло турукташмайынча Кыргызстанга кайтуудан баш тартууга Кыргыстандын Орусиядагы Элчилиги чакырат.

Эгерде жумуш зарыл болсо, Кыргыз Өкмөтүнө караштуу Мамлекеттик миграция кызматынын Орусиядагы Өкүлчүлүгүнө төмөнкү дарек боюнча жарандар кайрылса болот: Москва шаары, Малая Полянка көчөсү 12а; байлыныш телефондору: +7 (977) 597 37 03; +7 (901) 706 13 56 (WhatsApp); + 7 (901) 761 11 96; +7 (980) 078 03 32; + 495 780 74 12, + 495 780 74 10, + 495 780 74 12; электрондук дарек: predmigration@mail.ru  

Алишер ТОКСОНБАЕВ, өз кабарчы