21 Бардыгы /

Тогуз-Торо районундагы №1 Макмал жалпы билим берүүчү орто мектебинде билим берүү кызматкерлеринин кесиптик майрамына арналган салтанаттуу иш-чара болуп өттү.

Иш-чарага Тогуз-Торонун акими Манас Мураталиев, райондук билим берүү бөлүмүнүн башчысы Бактыбек Таалайбеков, айыл өкмөт башчылары, “Жамгыр” басма үйүнүн, «Калем» лидерлер академиясынын негиздөөчүсү, коомдук ишмер Мамбетасан Ибраев жана мугалимдер катышты.

Аким Манас Мураталиев: 2023-2024-окуу жылында Билим берүү жана илим министрлиги райондогу Тоту Мойдунов атындагы №1 Макмал жалпы билим берүүчү орто мектебин “Жылдын мыкты мектеби” аталып, республика боюнча 122 мектептин арасынан алдыгы үчүн 30 миң сом сертификат тапшырылды.

Быйыл райондогу мугалимдерге дем -күч берүү максатында 2024-2025-окуу жылында “Алтын сертификат” алган окуучуга 50 миң сом акча каражаты берилет. Ошондой эле “Алтын тамга” артыкчылыктуу аттестатка ээ болгон окуучуларга жана мугалимдерине 50 миң сом. Республикалык олимпиададан алдыңкы орун алган окуучуларга 30 миң сом шыктандыруу максатында тапшырыларын кошумчалады.

Белгилей кетсек, быйыл Тогуз-Торо райондук мамлекеттик администрациясы тарабынан “Жыл мугалими 2024” райондук, облустук турдан өткөн республикалык сынакта катышып жаткан Жанара Бекташова, Канышай Амановага Египетке 7 күндүк жолдомо берилди.

Мындан сырткары “Жамгыр” басма үйүнүн, «Калем» лидерлер академиясынын негиздөөчүсү, коомдук ишмер Мамбетасан Ибраев райондогу 30 мугалимди балдар психологиясы багытында акысыз окутууга убада берди.

Соңунда билим берүү тармагында үзүрлүү эмгектенген бир катар агартуу тармагынын кызматкерлери Ардак грамоталар, төш белги жана ыраазычылык баракчалары, белектер менен сыйланышты

Район боюнча 14 мектеп бар. Анда 550 мугалим эмгектенет.

Элиза АКЖОЛТОЕВА, Тогуз-Торо району