12 Бардыгы /

Аксы районунун Сары-Челек айыл аймагына караштуу Авлетим айылындагы Асанбек Кабаев атындагы орто мектебинде “Алтын күз” майрамы өткөрүлдү.

Майрамда 1-11-класска чейинки окуучулар ата-энелери, класс жетекчилери менен биргеликте мөмө-жемиштерден жашылчалардан, түстүү кагаздардан, пластиктерден жасаган макеттерди, жаныбарлардын, куштардын элестерин, кооз көйнөктөрдү көрсөтүшүп, өздөрүнө кубаныч тартуулашты. Ошону менен бирге эле “Ак төөнүн карды жарылып” күз берекеси агылып, төгүлүп турганын окуучулар чыгармачылык менен жасаган шириндиктерди, нандын, салаттын түрлөрүн да  көрүүгө болот. Майрам ыр-бий, сахналык көрүнүштөр менен коштолуп күз майрамдын көркүн ачты.

Эң сонун эмгек, мээнет, чыгармачылык менен жасалган кооздуктарга сыйлыктар ыйгарылды. “Алтын күз” майрамын жогорку деңгээлде өткөргөн уюштуруучулар Ж.Минбаев,У.Калыбекова, ата-энелер жана класс жетекчилерге терең ыраазычылыктарын мектеп директору билдирди.

Абдымомун КАЛБАЕВ, Аксы району