6 Бардыгы /

Кыргыз Республикасынын Министрлер Кабинетинин төрагасы Акылбек Жапаровдун тескемесине ылайык Ош мамлекеттик университетинин ректорлугуна кайрадан Кудайберди КОЖОБЕКОВ дайындалды.

Кыргыз Республикасынын Президенттик администрациясынын өнөр жайы саясаты бөлүмүнүн башкы эксперти Медербек Өмүрбеков тескеме менен ОшМУнун окумуштуулар кеңешинде тааныштырды. Бул иш-чарага билим берүү жана илим министринин орун басары Бекжан Супаналиев дагы катышты.

-ОшМУнун бүгүнкү жетишкендиктери биздин беш жылдык эмгегегибиздин үзүрү. Бул жетишкендиктер үчүн университеттин ар бир жөнөкөй кызматкеринен тартып ректоруна дейре баарыбыз тең ынтымакчылыкты, биримдикте жана бир багытта ырааттуу иш алып барганыбыздын натыйжасы. Ошондуктан, мен жамаатыбыздын ар бир мүчөсүнө терең ыраазычылыгымды гана билдирем. Адлыбызда дагы олуттуу жана чоң мерчемдеген пландарыбыз жана асыл максаттарыбыз бар. Ошолорду дагы эми чогуу-чараан багындырабыз! – деп агынан жарылды ОшМУнун кайрадан дайындалган ректору Кудайберди КОЖОБЕКОВ.

Айтмакчы, ОшМУнун ректору Кудайберди КОЖОБЕКОВ аталган университетке дегеле жат эмес. Эмгек жолун дал ушул ОшМУда 1997-жылы колдонмо математика жана информатика кафедрасында окутуучу болуп баштаган. Андан ары декандын орун басары, окуу-маалымат департаментинин директору, ОшМУнун окуу иштер боюнча проректору. Кыргыз Республикасынын билим берүү жана илим министринин орун басары кызматтарын абийирдүү аркалаган. 2019-жылдын 11-ноябрында ОшМУнун ректорлуга дайындалган.

Алишер ТОКСОНБАЕВ, өз кабарчы