24 Бардыгы /

Тогуз-Торо районунун Кош-Булак айылында жаңы №7 айылдык китепкананын имараты ачылып пайдаланууга берилди.

Ачылышка Тогуз-Торо районунун акими Манас Мураталиев, Тогуз-Торо айыл өкмөтүнүн башчысынын убактылуу милдетин аткаруучу Уулзана Арыкмолдоева райондук мекеме ишканалардын жетекчилери жана жергиликтүү тургундар катышты.

Айылдык китепкананын имаратын салуу район акими Манас Мураталиев тарабынан демилгеленген. Китепканага райондук өнүктүрүү фонду, дем берүүчү гранттын жана жергиликтүү бюджеттин каржылоосунда жалпы сметалык наркы 5,1 миллион сомду түзөн.  Мында замандын талабына шартталган электрондук китепкана жана окуу залы жайгашкан.

Китепкананын курулушуна колдоо көрсөткөн куруучуларга айыл өкмөт тарабынан ыраазычылык каты тапшырылды.

Элиза АКЖОЛТОЕВА, Тогуз-Торо району