Аймак

ТАГДЫРДЫ БАГЫНДЫРГАН БААТЫРЛАР: БИШКЕКТЕ «УМУТ» ЖАШ КИНОЧУЛАРДЫН XII ФОРУМУ БОЛУП ӨТӨТ

ТАГДЫРДЫ БАГЫНДЫРГАН БААТЫРЛАР: БИШКЕКТЕ «УМУТ» ЖАШ КИНОЧУЛАРДЫН XII ФОРУМУ БОЛУП ӨТӨТ

 3 Бардыгы /

2025-жылдын 11-апрелинен 14-апрелине чейин Бишкек шаарында «Үмүт» жаш киночулардын XII форуму болуп өтөт. Иш-чара жаш киноматографтардын чыгармачылыгын колдоо жана кесиптик өсүп-өнүгүшүнө өбөлгө түзүүгө багытталат. Форум Кыргыз Республикасынын Маданият, маалымат, спорт жана жаштар саясаты министрлигинин алдындагы Кинематография департаментинин, ошондой эле КМШга мүчө-мамлекеттердин гуманитардык кызматташтык боюнча мамлекеттер аралык фондунун колдоосу менен өткөрүлүүдө.

“Тагдырды багындырган баатырлар” – XII форумдун урааны – физикалык жана психологиялык оор турмуштук жагдайларды жеңип чыккан адамдар тууралуу улуттук даректүү тасмалардын блогун билдирет. Мындай көз ирмемдер фестивалды ачып жаткан “Ыйлаба, керик!” тасмасында да чагылдырылган.” – деп белгиледи форумдун программалык директору Гүлбара Төлөмүшова.

Форумдун программасы жаш кинорежиссерлордун учурдагы суроо-талаптарын эске алуу менен түзүлгөн. Быйылкы жылы киноисскуствону өнүктүрүүдө негизги ролду ойногон эки тармак – даректүү тасма жана оператордук чеберчиликке өзгөчө көңүл бурулмакчы.

«Үмүт» жаш киночулардын форуму дайыма киномотографиянын жаш муундарын колдоого аракет жасап, алардын жаңы билимдерге ээ болуп, тажрыйба алмашып, кесиптик өсүштөргө жана чыгармачылык ачылыштарга жетишине карай аянтча түзүп берет.

Биз биринчи жолу көркөм тасмалар менен биргеликте даректүү тасмалар үчүн өзүнчө питчинг уюштуруп жатабыз. Ошондой эле жаш даректүү киночулардынчыгармаларынан турган “Жаш казак киносу” программасын сунуштайбыз.  

Даректүү тасмаларды көрсөтүүдөн сырткары эксперттердин катышуусундагы “Даректүү тасма: өнүгүүнүн багыттары жана келечеги” аттуу панелдик талкуулоо болушу күтүлөт. Биз мындай демилгелер даректүү тасма жаратуучулардын өнөрүн өркүндөтүп гана тим болбостон, жаңы, жандуу тасмаларды жаратууга шыктануу алып келет, деп ишенебиз”,-деди форумдун продюсери жана координатору Эльвира Мамытова.  

Форумдун экинчи негизги багыты киноиндустриянын эң негизги бөлүгүнүн бири болгон – оператордук исскуствого таандык болмокчу. “Ололо-Юрт” коворкинг борборунда Борбор Азияга белгилүү операторлук иш боюнча чеберлери – Хасан Кыдыралиев (Кыргызстан) жана Азиз Жамбакиевдердин (Казакстан) чеберлер-классы уюштурулмакчы. Ошондой эле кино таануучу Султан Усувалиевдин (Кыргызстан) даректүү тасма боюнча лекциясы жана продюсер-режиссёр Юлия Шагинурованын (Германия) питчингге каратакинодолбоорду даярдоого арналган чеберлер-классы пландалган.

Кинофестиваль «Ала-Тоо» кинотеатрында режиссёр Темирбек Бирназаровдун «Ыйлаба, керик!» тасмасын көрсөтүү менен башталат. Форумдун иш-чаралары эки жерде өтөт: Ч. Айтматов атындагы кино үйүндө жана «Ололо-Юрт» коворкинг борборунда. Форумдун бардык иш-чараларына кирүү акысыз.

ТАГС байланыш  бюросу

Автор

Байланыш дареги

Email: aymak.kg@mail.ru

Телефон: +996 (770) 81-00-32

Факс: +996 (3722) 2-32-36

Адрес: Жалал-Абад ш. Ленин к. 17