36 Бардыгы /

Кечээ, 22-июль күнү “Ысык-Көл досторун чакырат-2025″ ХI эл аралык этно-карнавалына катышып, гран-при жана 1-орунду ээлген окуучулар сыйланды.

Жалал-Абад шаарынын мэринин биринчи орун басары Кубанычбек Иманалиев, мэрдин орун басары Гүлбарчын Таштанбекова, шаардык депутаттар кеңешинин төрагасы Орозбек Турдубеков 22-30-июнь күндөрү “Ысык-Көл балдардын көзү менен” эл аралык жаш стартапчылардын форуму жана пленэрдик практикасы, “Ысык-Көл досторун чакырат-2025″ ХI эл аралык этно-карнавалына катышып, гран-при жана 1-орунду ээлген “Ариет” балдар чыгармачыл борборунун окуучуларын жана аталган борбордун директору Жыпар Аманкулованы ийгиликтери менен куттукташты. Ошондой эле окуучулардын жараткан эмгектери менен таанышып, аларга ийгиликтерди каалашты.

Белгилей кетсек, этно-карнавалга Кыргызстан, Беларусия, Казакстан, Өзбекстан жана Орусиядан жаш таланттар катышты.