3 Бардыгы /

Бүгүн, 16-октябрда К.Ш. Токтомаматов атындагы Эл аралык университетте (ЭАУ, Манас ш.) Япон Адам ресурстарын өнүктүрүү борбору, Япон Эл аралык кызматташтык агенттиги “Аймактар боюнча кербен” өнөктүгү алкагында япон маданияты менен тааныштыруу иш-чарасын өткөрүштү. ЭАУнун Кесиптик багыт берүү & коомчулук менен байланыштар кызматы билдиргендей, ЭАУнун ректору, э.и.д., профессор Айжамал Кантөрөева япониялык меймандарды жылуу тосуп, иш-чаранын маанилүүлүгүн баса белгилеп, япониялык шериктештер менен кызматташууну күчөтүү зарылчылыгын айтты. Иш-чаранын алкагында университеттин кызматкерлери жана студенттери Япон элинин улуттук каада-салттары, обондору жана ырлары, кийим-кечектери, оюндары, япон иероглифтерин жазуу чеберчилиги менен таанышышты. Муну менен бирге япониялык меймандар комузда кыргыз күүлөрүн да чеберчилик менен аткарышты. Жалпысынан япон маданияты менен таанышуу абдан кызыктуу болду. Япон маданияты өзгөчө, көптөгөн элдердин кызыгуусун жараткан маданияттардан.

Эске салсак, ЭАУда Япон тилин окутуу борбору бар, япон тили бир катар багыттар боюнча окуу программасына кирет. ЭАУнун студенттери Японияга жолдомолордү алып турушат.