1,281 Бардыгы /

ЖАЛАЛ-АБАД. Кечээ, 2-декабрь күнү К.Ш. Токтомаматов атындагы Эл аралык университетинин (ЭАУ, Жалал-Абад ш.) чоң жыйындар залында “Манас” – элдик мурас!” аттуу маданий программа тартууланып, аны менен бирге ушул эле темада тегерек стол өткөрүлдү.

ЭАУнун Кесиптик багыт берүү жана коомчулук менен байланыштар кызматы маалымдагандай, аталган иш-чарага 250 студент жана бир катар жогорку окуу жайлардын, уюм-мекемелердин өкүлдөрү катышты. Алардын ичинде Жалал-Абад мамлекеттик университетинен филол.и.д., профессор И. Абдувалиев, филол.и.д., профессор К. Калчакеев, Заманбап Эл аралык университеттен филол.и.к., доцент А. Алымкулов, Кыргыз Республикасынын Манасчылар ассоциациясынан манасчы А. Маатов да катышты. Иш-чара аталган окуу жайдын мамлекеттик жана расмий тилдер кафедрасы тарабынан уюштурулду, кафедра башчысы филол.и.к., доц. Д.И. Алтаева.

 Иш-чаранын программасынын алкагында “Манас” дастанынан үзүндүлөр айтылып, видео тасмалар көрсөтүлүп, дастан боюнча сахналаштыруулар тартууланды. Ошондой эле бир катар баяндамалар берилип, “Манас” дастаны боюнча талкуулар, ой бөлүшүүлөр болду.

Айта кетсек, айтылган иш-чаранын материалдары окуу жайдын “ЭАУ жарчысы” аттуу илимий-популярдык журналында жарыяланат.