2,043 Бардыгы /

ЖАЛАЛ-АБАД. Бүгүн, 23-декабрда К.Ш. Токтомаматов атындагы Эл аралык университеттин (ЭАУ, Жалал-Абад) жыйындар залында окуу жайдын Эл аралык Кыргыз-Түрк лицейинин (ЭАКТЛ) башталгыч класстарынын окуучулары үчүн жаңы жылдык балаты майрамы өткөрүлдү.

ЭАУнун Кесиптик багыт берүү жана коомчулук менен байланыштар кызматы маалымдагандай, балаты майрамында ЭАКТЛ окуучулары үчүн жаңы жыл темасында Аяз атанын, Аяз кыздын жана башка жомоктогу каармандардын катышуусунда сахналаштырылган оюндар көрсөтүлүп, балдар шаңдуу ырларды ырдап, балатынын айлана бийлешти. Балаты майрамына окуучулардын ата-энелери да катышты. Иш-чара фото сессия менен аяктады.Жаңы жылдык балаты өзү абдан кооз болуп, балаты майрамы абдан шаңдуу маанайда өтүп, майрамдык иш-чара ойдогудай болду.

“ЭАКТЛ окуучуларын жана мугалимдерин жаңы жыл майрамы менен куттуктайбыз!Балаты майрамын уюштурууда активдүү жардам берген ЭАУнун Маданий-эстетикалык борборуна өзгөчө ыраазычылык билдиребиз!”,- дейт ректорат.