2,733 Бардыгы /

ЖАЛАЛ-АБАД. Бүгүн, 28-апрелинде К.Ш. Токтомаматов атындагы Эл аралык университттин (ЭАУ, Жалал-Абад ш.) жыйындар залында окуу жайга караштуу Эл аралык Кыргыз-түрк лицейинин 1-класстардагы окуучулары үчүн “Кош бол, алиппе!”аттуу майрамдык иш-чара өткөрүлдү.

ЭАУнун Эл аралык Кыргыз-түрк лицейинен билдиргендей,

майрамдык иш-чаранын жүрүшүндө лицейдин дирекциясы, башталгыч класстарынын мугалимдери, 1-класстардын окуучулары тарабынан даярдалган майрамдык концерт сунушталып, жетекчилик, мугалимдер жана ата-энелер тарабынан куттуктоолор айтылып, кенжетайларга сабаты ачылгандыгы тууралуу күбөлүктөр берилди.

“Майрамдык иш-чара жогорку уюшкандыктын жана чеберчиликтин деңгээлинде өтүп, окуучуларга жана алардын ата-энелерине абдан жакты: бардыгы кызыктуу, шаңдуу, эсте калгыдай болду! ЭАУнун Эл аралык Кыргыз-Түрк лицейинин 1-класстардагы окуучуларын “Кош бол, алиппе!” майрамы менен чын жүрөктөн куттуктайбыз жана кийинки окууларында ийгилик каалайбыз!”, -дейт лицейдин дирекциясы.