2,094 Бардыгы /

ЖАЛАЛ-АБАД. Бүгүн, 29-апрель күнү ЭАУда Улуу Ата Мекендик согушта жеңиштин 77 жылдыгына арналган “эч ким, эч нерсе унутулбайт!” аттуу майрамдык концерт өткөрүлдү.

ЭАУнун кесиптик багыт берүү жана коомчулук менен байланыштар кызматы билдиргендей, К.Ш. Токтомаматов атындагы Эл аралык университетте (ЭАУ, Жалал-Абад) Улуу Ата Мекендик согушта жеңиштин 77 жылдыгына арналган “Эч ким, эч нерсе унутулбайт!” аттуу майрамдык концерт болуп өттү. Концертти ЭАУнун Маданий-эстетикалык борбору, окутуучулары жана студенттери уюштурушкан. Концертке чакырылган меймандар тизмесинде:Жалал-Абад областынын Ардагерлер кеңешинин төрагасы Д.М. Мамасалиев, Кыргызстан элдеринин ассамблеясынын Жалал-Абад областындагы уюмунун жетекчиси К.А. Тилекеев, Жалал-Абад областындагы “Славян диаспорасы” ассоциациясынын жетекчиси В.В. Малюженко. Аталган иш-чара ЭАУнун коомдук жана маданий иш-чараларды уюштуруудагы мыкты салттарында өткөрүлдү. Концерт Улуу Ата Мекендик согуш мезгилиндеги тарыхый фото-видео көрсөтүүлөр менен коштолду. Концертте элге таанымал “Эстелик”, “Катюша”, “Көк жоолук”, “Күн күркүрөткөн булуттар”, “Турналар” ж.б. ырлар ырдалды. Майрамдык иш-чаранын уюштуруучуларына чоң рахмат, өзгөчө ыраазычылык ЭАУнун чыгармачыл студенттерине! Эч ким, эч нерсе унутулбайт!