1,017 Бардыгы /

25-июлда Кыргызстандын ишкер айымдары үчүн жыл сайын өтүүчү Аялдардын ишкердиги EXPO 2022 (Women’s Entrepreneurship EXPO 2022) көргөзмөсүнө катышуу үчүн өтүнмөлөрдү кабыл алуу башталды. Көргөзмө Кыргызстандагы БУУнун Аялдар түзүмү тарабынан КыргызПатент мамлекеттик агенттиги, Кыргызстандагы аялдардын ишкердигин өнүктүрүү жана зомбулукту азайтуу боюнча коалициясы, Accelerate Prosperity демилгеси, Европа Биримдиги, Европа Реконструкциялоо жана Өнүктүрүү Банкы, Аялдардын ишкердиги үчүн каржылоо демилгеси (We-Fi) жана USAID ишкердикти жана бизнес-чөйрөнү өнүктүрүү боюнча долбоору менен биргеликте өткөрүлөт.

Women’s Entrepreneurship EXPO экономиканын бардык тармактарында жана өлкөнүн бардык аймактарындагы бизнес алып барган аялдарды чогултуу, окутуу жана нетворкинг үчүн аянтча катары иш жүргүзөт. 2022 жылдын 26-27-октябрда өтө турган көргөзмөнүн алкагында тандалган катышуучулар бизнес жүргүзүү жана инвесторлорго бизнес-идеяларын тааныштыруу боюнча окуу иш-чараларына катышып, тажрыйба алмашып, нетворкингди кеңейте/чыңдай алышат.

Төмөнкү шилтеме аркылуу көргөзмөгө кошула аласыз https://forms.gle/s3vpYxp17zYff4bs5 .Өтүнмөлөрдү кабыл алуу 12-августта бүтөт, андан соң көргөзмөнүн экинчи этабы – Accelerate Prosperity демилге тарабынан тандалган 50 ишкер аялдарга бизнес көндүмдөрүн үйрөтүү башталат.

26-27-октябрда катышуучулардын продукцияларынын көргөзмөсү өтүп, анда өз билимин бизнесте ийгиликтүү колдонгон 20 финалисттер потенциалдуу инвесторлорго өздөрүнүн өндүрүшүн жергиликтүү деңгээлде жана 10 финалисттер аймактык деңгээлде тартуулашат.

Women’s Entrepreneurship EXPO – бул аялдардын экономикалык коопсуздугун, укуктарын жана мүмкүнчүлүктөрүн кеңейтүү, ишкердикти өнүктүрүү жана бизнеске тартуу үчүн түзүлгөн аянтча. Аянтча аялдардын көрүнүктүү болуусуна, бизнесин өнүктүрүүгө мүмкүнчүлүктөрдү берет жана инклюзивдик рынокторду түзүүгө жардам көрсөтөт. Көргөзмө жыл сайын БУУнун Аялдар түзүмү тарабынан Чыгыш Европа жана Борбордук Азияда өткөрүлөт.

————

Инвестициялык акселератору “Экселерейт Просперити” AP Asia долбоорунун алкагында ишке ашырылып Европа Биримдиги жана Ага Хан Фонду тарабынан каржыланат. Долбоор ишкерликти өнүктүрүүгө жана Кыргыз Республикасынын айыл жергесиндеги калктын экономикалык жыргалчылыктын жогорулатууга багытталган.

ЕРӨБ Кыргыз Республикасында «Бизнестеги айымдар» программасы Ишкер аялдар үчүн финансылык демилгесинин (We-Fi) жана Швейцария өкмөтүнүн колдоосунда жүзөгө ашырылат жана анда Кыргыз Республикасындагы аялдардын ишкерлер коомунун лидерлерине финансылык жана техникалык колдоо көрсөтүү жана кичи жана орто бизнес секторунун атаандаштыкка туруктуулугун жогорулатуу боюнча жалпы иш-чаралар комплекси камтылат.