1,002 Бардыгы /

ЖАЛАЛ-АБАД. 19-ноябрда Жалал-Абад шаарындагы Барпы-Сейил көчөсүнүн кеңейтилген бөлүгү пайдаланууга берилди. Жолдун ачылуу аземине Кыргыз Республикасынын Прпезидентинин Жалал-Абад облусундагы ыйгарым укуктуу өкүлү Абсаттар Сыргабаев, шаар мэри Эрнисбек Ормоков, шаардык кеңештин депутаты Заттарбек Боронбаев жана жергиликтүү жашоочулар катышты.

Жалал-Абад шаардык мэриясынын маалымат борбору билдиргендей,

Барпы-Сейил көчөсү шаарга унаалар көп кирип-чыгуучу негизги көчөлөрдүн бири. Анын Куркура көчөсүнөн Барпы айыл аймагына чейинки 450 метр аралыгы тар болгондуктан буга чейин  унаалардын тыгыны жаралып келген.

Аталган көчөнү кеңейтүү үчүн 56 курулуш обьектиси буздурулуп, алар үчүн жергиликтүү бюджеттен компенсация төлөнүп берилген. Ал эми жолду кеңейтүү, жаңыдан асфальт төшөө, жолдун эки тарабына тротуар куруу, темир-бетон арыктарын жаткыруу жана жарыктандыруу иштерин жасоого шаар бюджетинен 29 млн сом акча каражаты сарпталды.

Белгилей кестек, Жалал-Абад шаарында жергиликтүү бюджеттин эсебинен Шопоков, Бакирова көчөлөрү да кеңейтилүүдө.