1,521 Бардыгы /

ЖАЛАЛ-АБАД. Ала-Бука РИИБдин өздүк курамы тарабынан жаӊы жылдык белектер даярдалып, милициянын көчмө кабылдама унаасында тоголок жетим балдарга жана мүмкүнчүлүгү чектелген жарандарга таратылды. Жалал-Абад ОИИБдин басма сөз кызматы билдиргендей, милиция кызматкери аяз атанын кийимин кийип, ал эми социалдык бөлүмдүн кызматкери аяз кыз болду. Жаш балдар аяз атага жаӊы жылдык ырларды айтышып, белек алышып, маанайлары көтөрүлдү.

Ошондой эле Ала-Бука районунун тургуну, жалгыз бой энеге жаӊы жылдык акчалай колдоо көрсөтүлдү. Мындай саамалыкка күбө болгон район тургундары милициянын иш-чарасына ыраазычылыктарын билдиришти.

Мындан  сырткары РИИБдин кеӊсе бөлүмүнүн, тазалык, бирдиктүү терезе жана жылуулук берүү кызматынын кызматкерлерине жаӊы жылдык белектер тапшырылды.