669 Бардыгы /

ОШ. Алдыда күтүлүп жаткан ызгаардуу суук аба ырайына байланыштуу Ош облусундагы тийиштүү ишканалар күчөтүлгөн тартипте иш алып барышат. Бул туурасында президенттин Ош облусундагы өкүлчүлүгүнүн басма сөз кызматынан билдиришти.

Маалыматка караганда, соңку саатарда Ош облустук жарандык коргонуу штабынын кезектеги отуруму өткөрүлүп, ага президенттин Ош облусундагы ыйгарым укуктуу өкүлүнүн биринчи орун басары Данияр Жаныкулов, орун басарлары Уристем Манапов, Эрнис Толтоев жана облустук мекеме-уюмдардын жетекчилери катышышты. Аталган отурумдун күн тартибинде ушул жылдын 11-январдан тарта туруксуз аба ырайынын өзгөрүшүнө байланыштуу даярдык чараларын көрүү маселеси каралды.

Аталган жйындын жүрүшүндө тийиштүү кызматтарды күчөтүлгөн тартипте иштөө, кооптуу жол участкаларына туз себүү иштери, коомдук тартипти көзөмөлдөө, электр жарыгы менен калкты үзгүлтүксүз камсыз кылуу, көмүр сатуучу социалдык базалардагы көмүрдүн бааларын көзөмөлдөө, жарандарга түшүндүрүү иштерин жүгүзүү тапшырмалары дагы катуу берилди.

Алишер ТОКСОНБАЕВ, өз кабарчы