984 Бардыгы /

БИШКЕК. Бишкектеги Европадагы коопсуздук жана кызматташтык боюнча уюмунун (ЕККУ) программалык кеңсеси жана коопсуздук, укук тартип жана мыйзамдуулук тармактары боюнча Кыргыз аялдар Ассоциацияснын ортосунда 2023-жылга карата өз ара бирдиктүү аракеттенүү планына кол коюу аземи болуп өттү.
ИИМдин басма сөз кызматы билдиргендей, ЕККУнун Бишкектеги Программалык кеңсесинин башчысы, элчи Рогов Алексей Александрович Ассоциациянын төрагасы, милициянын отставкадагы полковниги Каана Айдаркулга көп жылдык үзүрлүү кызматташуусу үчүн ыраазычылык билдирип, аталган пландын ишке ашышына жана мурда кол коюлган кызматташтык жөнүндө Меморандумдун ийгиликтүү ишке ашырылышына ишенимин билдирди. Бул план Кыргыз Республикасынын мыйзамдарына жана стратегияларына ылайык келип, Кыргыз Республикасы тарабынан кабыл алынган эл аралык милдеттенмелер 2023-жыл ичинде аткарылышы тийиш.
Коопсуздук, укук тартиби жана мыйзамдуулук секторундагы аялдардын кыргыз ассоциациясы ЕККУнун көмөгү менен 2017-жылы түзүлгөн. Бул коопсуздук секторунун аял кызматкерлерин бириктирет. Алдыда, укук бузуулардын алдын алуу, калктын ар кандай топтору менен өз ара аракеттенүүсү боюнча, тегерек столдорду, конференцияларды, методикалык жана уюштуруучулук иштерди, анын ичинде БУУнун 1325 резолюциясын аткаруу боюнча, “Аялдар, тынчтык, коопсуздук” аталышындагы күн тартибин, коопсуздук секторунун аял кызматкерлеринин жеке жана
кесиптик өсүшү жана башка иш-чаралар боюнча семинарлардын өткөрүлүшү белгиленүүдө. Аталган иш чаралардын бардыгы Кыргыз Республикасынын аймагында коомдук тартиптин сакталышына зор салым кошуу болуп саналат.