729 Бардыгы /

ЖАЛАЛ-АБАД. Ишемби күнү Жалал-Абад шаардык билим берүү бөлүмүнүн башчысы Ырысбек Калчаев баштаган мугалимдер шаардагы  Ж.Бакиев атындагы экопаркка 400 даана каштан дарагынын көчөтүн тигишти.

Жалал-Абад шаардык мэриясынын маалымат борбору билдиргендей,

Жалал-Абад шаардык билим берүү бөлүмү “Жашыл мурас” улуттук өнөктүгүнүн жана калаа башчысы Эрнисбек Ормоковдун буйругу менен жарыяланган үч айлыктын алкагында шаардагы  Ж.Бакиев атындагы экопаркка 400 даана каштан дарагынын көчөтүн отургузушту.

Эске салсак, 18-мартта аталган паркка 1300 даана каштан дарагынын көчөтү отургузулган болчу.

Быйылкы жылы Жалал-Абад шаарынын аймагына жергиликтүү бюджеттен 4475 даана көчөт отургузуу пландалган.