1,134 Бардыгы /

ЖАЛАЛ-АБАД. Бүгүн, 19-июнь күнү  Жалал-Абад шаарынын мэри Эрнисбек Ормоков, БУУнун Кыргыз Республикасындагы өкүлчүлүгүнүн башчысы Антье Граве менен жолугушту. 

Жалал-Абад шаардык мэриясынын маалымат борбору билдиргендей,

жолугушуунун жүрүшүндө Жалал-Абад шаарында туризм багытын өнүктүрүү, билим берүү тармагы боюнча маселелер талкууланып, бир катар долбоорлорду биргеликте ишке ашыруу боюнча сүйлөшүүлөр жүргүзүлдү.

Антье Граве БУУнун алдыдагы 5 жылдагы приоритеттүү багыттарына токтолуп, ага  саламаттыкты сактоо, билим берүү, жашыл экономика, биологиялык ар түрдүүлүк, гендердик теңчилик кирээрин белгиледи. Ал эми калаа башчысы  жергиликтүү  бийлик шаардын социалдык-экономикалык абалын жакшыртуу үчүн тыгыз иштешүүгө ар дайым даяр экенин белгиледи.