882 Бардыгы /

БИШКЕК. Ololo Planet-те өткөн Креативдүү кесиптер Академиясынын кесиптик чеберчилик программасы боюнча дипломдорду тапшыруу аземинде Кыргызстандын бардык аймактарынан келишкен 14 жаш кыргызстандык графикалык дизайн жана контент менеджмент боюнча долбоорлорун сунуш этишти. Жеке компаниялардын эксперттеринен жана Кыргыз Республикасындагы АКШнын элчилигинин өкүлдөрүнөн турган калыстар тобу аталган долбоорлорго калыс баа беришти.

2022-жылдан 2023-жылга чейин үч жүзгө жакын студент акысыз, үч айлык онлайн курстар аркылуу графикалык дизайн жана контент менеджмент боюнча заманбап билим алышты. Санариптик көндүмдөрдү үйрөнүүдөн тышкары студенттер иш портфолиосун түзүү, резюме түзүү жана жумуш интервьюларына даярдануу боюнча дагы билим алышты  . Курстук ишти ийгиликтүү аяктаган катышуучуларга сертификаттар тапшырылды. ды алышты. Буга улайц Креативдүү кесиптер Академиясы алардын иш портфолиолорун жайылтууга жардам дагы көрсөттү. Дипломдорду тапшыруу аземинде алдыңкы 14 бүтүрүүчү калыстар тобуна финалдык долбоорлорун сунуш этишти. ү

Ошентип, аталган иш-чаранын алкагында «New Age»коомдук фондунун башчысы Аскар Турдугуловдун жана «Tart Creative» дизайн-студиясынын негиздөөчүсү Михаил Ефименконун жетекчилиги астында акысыз мастер-класстар өткөрүлдү.

«Креативдүү кесиптер Академиясы» Кыргыз Республикасындагы жаштардын жумушка орношуудагы тоскоолдуктарды жоюуга жана интернетте ийгиликтүү жана өз алдынча иштөөгө мүмкүндүк берүүчү кесиптик көндүмдөргө үйрөтөт. Программа 2020-жылы башталгандан тартып дээрлик 1300дөн ашуун студент графикалык дизайн, веб-иштеп чыгуу, санариптик маркетинг, видео өндүрүү жана контент менеджмент боюнча тренингдерден ийгиликтүүө өтүштү. Программанын бүтүрүүчүлөрү жаңы жумуш табышты, стаж иштерин  өтүштү жана алган билимдеринин натыйжасында кирешелерин дагы ого бетер көбөйтүштү.

          Алишер ТОКСОНБАЕВ, өз кабарчы