621 Бардыгы /

ОШ. Кыргызстандын Түштүк башкалаасындагы Ленин көчөсүндө «Аманат Сити» курулуш компаниясынын демилгеси аркасында таштандыларды сорттоочу жаңы аянтча ачылып, ал «Ош-Тазалык» адистештирилген муниципалдык ишканасынын карамагына өткөрүлүп берилди.

Ош шаарынын мэри Бакытбек Жетигенов мындай саамалык башкаларга дагы үлгү болушу керектигин, жарандарга заманбап шарттарды  түзүп берүүдө жеке тараптардын колдоосу абдан маанилүү экендигин дагы билдирди.

«Аманат Сити» курулуш компаниясы таштандыларды ылголоочу аянтчаны жалпы 300дөн ашык квартиранын жашоочулары үчүн ылайыкташтырып курган. Мындай аянтчалар компания тарабынан курулуп жаткан жаңы үйлөрдүн жанында дагы орнотулмакчы.

Алишер ТОКСОНБАЕВ, өз кабарчы