795 Бардыгы /

БИШКЕК. Кечээ, 28-сентябрда Кыргыз Республикасынын Ички иштер министрлигинин Академиясы Россия Федерациясынын Улуттук гвардиялык аскерлеринин Федералдык кызматынын делегациясын кабыл алды.
ИИМдин басма сөз кызматы билдиргендей, иш-чарага Кыргыз Республикасынын Ички иштер министринин биринчи орун басары милициянын генерал – майору Адылбек Бийбосунов, Ички иштер министрлигинин Академиясынын башчысы милициянын генерал-майору Тариель Абитов жана Россия Федерациясынын Улуттук гвардия аскерлеринин Федералдык кызматынын делегациясынын өкүлдөрү катышты. Жолугушууда тараптар Росгвардия менен КР ИИМ Академиясынын ортосундагы кызматташтыкты өнүктүрүү жана кеңейтүү маселелерин талкуулашты.
Кыргыз Республикасынын Ички иштер министрлигинин Академиясынын башчысы милициянын генерал-майору Тариель Абитов келген конокторго Кыргыз ИИМдин квалификациялуу кызматкерлерин даярдоо боюнча окуу жайдын ишмердүүлүгү
менен тааныштырды. Өз сөзүндө Россия Федерациясынын Улуттук гвардиялык аскерлеринин Федералдык кызматынын директорунун орун басары статс-катчы генерал-полковник Олег Плохой билим берүү жана илим тармагында кызматташууга, мугалимдердин кайчылаш сапарларын уюштурууга, биргелешкен
иш-чараларды өткөрүү жана окуу-методикалык материалдарды даярдоо, ошондой эле монографияларды, илимий эмгектердин жыйнактарын жана макалаларды басып чыгаруу жана илимий изилдөөлөрдү басылмаларда басып чыгаруу боюнча ой пикирин билдирди.
Жолугушуунун жүрүшүндө коноктор электрондук тир окуу классын,
криминалистикалык полигонду жана ИИМдин Академиясынын музейинде болушуп, ардактуу коноктордун китебине каалоо-тилектерин калтырышты.

WWW.