651 Бардыгы /

ЖАЛАЛ-АБАД. БҮГҮН, 21-декабрында кечки саат 18-30да Аксы районунун борборундагы Кербен шаарында борбордук кѳчѳдѳ орнотулган жаңы жылдык балаты жандырылат. Бул тууралуу Аксы райондук мамлекеттик администрациясы маалымдады.

Маалыматка ылайык, балатынын бийиктиги 15 метрди түзөт. Ал эми эң чоң диаметри 8 метр. Жаңы жылдын символу болгон балаты 500 метр гирлянддар менен оролуп, кооздолду.

Быйыл Кербен шаарынын жана райондун тургундарына эстетикалык рахат тартуулоо максатында шаардагы майрамдык жасалгаларга ѳзгѳчѳ маани берилип жатат. Шаар тарыхындагы эң кооз жана бийик балаты болуп Кербен шаарын кооздоп турат.

“Кербен шаарынын жана районубуздун тургундарын, мекеме-ишкана кызматкерлерин жаңы жылдык майрамдын расмий ачылышына чакырабыз. Иш-чара оюн-зоок, концерттик программа менен коштолот”,- дейт маалыматта.