27 Бардыгы /

Мындай келишимге Мамлекеттик жеке өнөктөштүк мыйзамынын негизинде

Жалал-Абад шаарынын мэри Эрнисбек Ормоков жана “Galaxy Cinema” компаниясынын жетекчиси Курманбек Бегалиев кол койду.

Жалал-Абад шаардык мэриясынын Маалымат борбору билдиргендей, келишимге ылайык, аталган компания Жалал-Абад шаарында жаңы курулган кинотеатрга 35 млн. сом инвестиция салып, ал каражатка кинотеатрдын ичин кино көрсөтүүгө керектүү каражаттар менен жабдуу, көрүүчүлөргө ыңгайлуу шарттарды түзүү жумуштарын жүргүзөт. Мындан сырткары, ай сайын шаар бийлигине ижара акы төлөйт.

Аталган кинотеатр Жалал-Абад шаарынын Спутник кичи районундагы Т.Байзаков атындагы паркта жайгашып, анын курулушуна республикалык жана жергиликтүү бюджеттен жалпы 54 млн. сом жумшалган.