6 Бардыгы /

Кыргыз Республикасынын Президентинин Жалал-Абад облусундагы ыйгарым укуктуу өкүлү Тилек Текебаев Сузак районунун Барпы айыл аймагынын Чокмор айылындагы Сузак аймактык ооруканасынын жаңы 75 орундуу төрөт бөлүмү жана 75 орундуу балдар ооруканасынын курулуш жумуштары менен таанышты.

Аталган объекттин курулушу 2023-жылдын март айында башталып, жалпы 7 гектардан ашуун жер аянтын ээлейт. Азыркы учурда төрөт бөлүмүнүн курулушу аяктап, медициналык жабдыктар алынып келинген. Ал эми балдар ооруканасынын курулушу 90 пайызга бүткөрүлгөн.

Жумуштарды Кыргыз Республикасынын Өзгөчө кырдаалдар министрлигинин “Жалал-Абад көчмө механикалаштырылган отряды” тарабынан аткарылууда. Долбоордун жалпы баасы 570 млн сомду түзүп, демөөрчүлөр тарабынан каржыланууда.