18 Бардыгы /

Кечээ, 11-апрелде ыйгарым укуктуу өкүлчүлүктө Кыргыз Республикасынын Министрлер Кабинетине караштуу интеллектуалдык менчик жана инновациялар мамлекеттик агенттиги тарабынан уюштурулган “Интеллектуалдык менчик боюнча Билим кербени-2025” аталышындагы жыйын өттү.

Ага Кыргыз Республикасынын Президентинин Жалал-Абад облусундагы ыйгарым укуктуу өкүлүнүн биринчи орун басары Нурлан Эрматов, Кыргызпатент мамлекеттик агенттигинин Товардык белгилерди экспертизалоо бөлүмүнүн башчысы Элмар Мукамбетов, район, шаар башчылары, алардын орун басарлары, жогорку окуу жайларынын мугалимдери, мекеме жетекчилери, чакан жана орто бизнес өкүлдөрү катышты.

Жыйында интеллектуалдык менчик жаатында укуктук сабаттуулукту өркүндөтүү, патенттик укуктун негиздерин, автордук укукту, товардык белгилерди жана интеллектуалдык менчикти коммерциялаштыруу жолдору түшүндүрүлдү. Мындан сырткары интеллектуалдык менчикти коргоо маданиятын калыптандыруу, жаштарды инновациялык долбоорлорду түзүүгө 11-стимулдаштыруу жолдору тууралуу маалымат берилди.

Облус башчысынын биринчи орун басары кызматкерлерге интеллектуалдык менчик чөйрөсүндөгү билимдерин тереңдетүү маанилүү экенин белгиледи. Ага катар Кыргызпатент агенттиги менен ыйгарым укуктуу өкүлчүлүктүн ортосунда облустун аймагында жүргүзүлүп жаткан иш аракеттерди белгиледи.

Буга чейин Жалал-Абад облусунда жыл сайын жүргүзүлгөн “40 район-40 демилге” долбоорунун алкагында Ала-Бука районунун Ак-Там айылындагы жеке ишкер “Кайналыны жууп кургатуу” инновациялык долбоору менен катышып, 1 млн сом грант утуп алып алган.

Өткөн жылы Кыргызпатент мамлекеттик агенттигине республикада биринчилерден болуп Базар-Коргон районунун “Арстанбап жаңгагы” географиялык белгисин каттоо боюнча өтүнмө берилген.