15 Бардыгы /

Бүгүн, 6-ноябрда Кыргыз Республикасынын Президентинин Жалал-Абад облусундагы ыйгарым укуктуу өкүлүнүн аппараты жана Регионалдык инвестициялык кеңеш тарабынан демилгеленип, Бириккен Улуттар Уюмунун Өнүктүрүү программасы, Эл аралык миграция уюму жана “Бакай Банктын” колдоосу менен уюштурулган “Манас Экспо – 2025” эл аралык форуму өттү.

Форумдун алкагында Азаттык аянтында жергиликтүү ишкерлер тарабынан өндүрүлгөн продукциялардын жарманкеси уюштурулду.

Иш-чарага Кыргыз Республикасынын Президентинин Жалал-Абад облусундагы ыйгарым укуктуу өкүлү Тилек Текебаев, Бириккен Улуттар Уюмунун Өнүктүрүү программасынын (ПРООН) Кыргыз Республикасындагы туруктуу өкүлү Александра Соловьева, жергиликтүү бийлик өкүлдөрү, коңшу Өзбекстан жана Тажикстан Республикасынан келген ишкерлер катышты.