1,262 Бардыгы /

ЖАЛАЛ-АБАД. Аксы районунун Авлетим айылынын Бишкек шаарында жашап, иштеп жаткан жаштары таажывирусунун алдын алууда айыл элине чоң көмөк көрсөтүү.  Бул тууралуу Авлетим айыл өкмөтүнүн башчысы Нурмырза Абдыраманов билдирди.

Бишкек шаарында жашап жаткан Авлетим айылынын жаштары учурдагы кырдаалга карата өз элине 158 миң сомдук медициналык каражаттарды анын ичинде 500 килограмм дезинфекциялоочу хлор, 2000 миң бет каптар, 5 литр антисептик, 6 даана дезинфекциялоочу аппараттар, спецкийимдер, медициналык кол пречаткалар, бет каптар жана башка керектүү жабдыктарды алып келишип тапшырып кетишти.

“Авлетим эли өз уул- кыздарына, жакын тууган -уруктарына терең ыраазычылык билдиребиз, ошону менен бирге өздөрү да тынч болушун тилек кылабыз. Эми бардык айылдагы мекеме- ишканаларды, мектеп, бала бакчаларды, көчөлөрдү дезинфекциялоо иштерин жүргүзүп, элдин ден соолугун сактоого аракеттерди көрөбүз”,- дейт Авлетим айыл өкмөтүнүн башчысы Н.Абдыраманов.

Эл тилегине биз да кошулуп эл уулу болгон азаматтарыбызга алкышыбызды айтып ыраазычылык билдиребиз.

Абдымомун КАЛБАЕВ, Аксы району