981 Бардыгы /

ЖАЛАЛ-АБАД. Майлуу-Суу шаарында билим уясына жаңыдан баш багып жаткан окуучулар менен милиция кызматкерлери жолугушуп, көчөдө өздөрүн кантип алып жүрүү керектигин түшүндүрүшүүдө. Бул тууралуу Жалал-Абад ОИИБдин басма сөз кызматы маалымдады.

2020-2021-окуу жылы башталып, Майлуу-Суу шаарында 1-класстын окуучулары мектеп босогосун аттады. Буга байланыштуу 7-8-сентябрь күндөрүнө пландалган «Салам мектеп» иш-чарасы шаардык милиция тарабынан өткөрүлүүдө.

Пандемиялык шартка байланыштуу коронавирус илдетинин алдын алуу жана андан сактануу жолдору жеткирилип жатат. Окуучуларга ар дайым жанына антисептикалык каражаттарды алып жүрүү зарылды айтылууда. Ошондой эле иш-чарада мектептер тарабынан карантиндик талаптардын так сакталуусу, коопсуздугу, видео көзөмөлдөрдүн жана жеке күзөтчүлөрдүн иштери текшерилүүдө.