1,293 Бардыгы /

ЖАЛАЛ-АБАД. КР ӨКМдин алдындагы Өзгөчө кырдаалдарга мониторинг жүргүзүү, божомолдоо департаментинин Жалал-Абад облусунун аймагындагы коркунучтуу процестерге жана кубулуштарга мониторинг жүргүзүү, болжолдоо китебинде облустун аймагында калктуу конуштарга, турак үйлөргө, социалдык обьектилерге кооптуулук жараткан 491 жер көчкү, 471 сел каптоо, суу ташкыны, жээк эрозиясы, 21 таш кулоо, жердин чөгүүсү жана 37 жер алдындагы суулардын көтөрүлүүсү катталган.

Облустун аймагындагы жогоруда кооптуу деп табылган тилкелерде жалпысынан жыл башында 1286 (1286-1281) кожолук жашайт. Бүгүнкү күнгө 5 үй-бүлө кооптуу аймактан биротоло көчүп кеткендер. Мамлекеттен жардам жана жер тилкесин албагандар 344 (344-343) кожолук, жардам жана жер тилкесин алып, бирок көчпөгөндөр 942 (942-938) кожолук жашайт.

Бүгүнкү күндө кооптуу аймактарда жашаган жарандарды коопсуз аймактарга көчүрүү боюнча КР ӨКМдин Жалал-Абад облусу боюнча башкармалыгы тарабынан аким, мэрлерге атайын-эскертмелер берилген. РШӨКБү тарабынан кооптуу аймактарда жашаган 1286 үй-бүлөлөрдүн 1137 үй- бүлөсүнө атайын эскертмелерин берип, түшүндүрүү иштерин жүргүзүшкөн.

Ал эми атайын-эскертме бериле элек 149 үй бүлөнүн ичинен 5 үй-бүлө кооптуу тилкелерден биротоло көчүп кетишкендиги жана 144 үй-бүлө кооптуу аймактардагы үйлөрүндө убактылуу жашабагандыгы райондук жана шаардык көчүрүү комиссиялары тарбынан аныкталды.

Учурда ӨКМдин ӨКМЖжБДнин, РШӨКБнүн жана жергиликтүү бийлик органдары менен кооптуу аймактарга изилдөө иштери жүргүзүлүүдө. Мында Сузак районунун Кыз-Көл а/а Кара-Март айылынын Бай-Маала тилкесинде жер көчкү активдешип 14 үй-бүлөгө кооптуулук жаралгандыгы байкалгандыгы тууралуу 2021-жылдын 9-апрелинде ӨКМнин ӨКМЖжБДнин адистери тарабынан өтө кооптуу экендиги тууралуу № J-21  корутундусу чыгып, бүгүнкү күндө кооптуу аймакта жашаган 14 үй- бүлөлөдөн 5 үй -бүлөнү коопсуз аймактагы Кыз-Көл а/а Кара-Март, Кашка-Терек айылындагы үйлөрүнө жана Жалал-Абад шаарындагы балдарынын үйлөрүнө көчүрүлдү. Калган 9 үй-бүлөгө Сузак районунун мамлекеттик администрация тарабынан 9 чатыр бөлүп берүү боюнча КР ӨКМнин Жалал-Абад облусу боюнча башкармалыгынан суранып, кооптуу аймакта жашаган үй-бүлөлөрдү Кыз-Көл а/а Кара-Март айылынын Сууга-Шел тилкесине көчүрүү үчүн 9 чатыр бөлүнүп, айыл аймак тарабынан берилген жер тилкелерине (палаточный городок) уюштурулуп чатырлар тигилди жана 9 жарандар чатырларга көчүрүлүп чыгарылды.