1,182 Бардыгы /

ЖАЛАЛ-АБАД. Жалал-Абад областтык профсоюздар кеңеши тарабынан облус боюнча бүгүнкү күндө эмгекчилердин ден соолугун чыңдоо фондунан 3 миллион 418 миң сом акча каражаты бөлүнүп, 745 бала 1 агымда балдар эс алдыруу борборлоруна жиберилди.

Эс алуу үчүн Чаткал районунун балдары  “Чаткал-Жеткинчек” лагеринде, Аксы жана Ала-Бука районунун балдары “Сары-Челек” лагеринде, Жалал-Абад, Таш-Көмүр, Кочкор-Ата, Майлуу-Суу шаарлары жана Ноокен, Базар-Коргон районунун балдары “Зорька” лагеринде, Токтогул району жана Кара-Көл шаарынын балдары “Каинды” лагеринде, Сузак районунун балдары “Арууке” лагеринде эс алышууда.

Буга чейин Жалал-Абад облусунда 2021-жылдагы жайкы эс алууга областтык профсоюздар кеңеши тарабынан117 аз камсыз болгон үй-бүлөлөрдүн балдары да жиберилген. Аны менен бирге Кыргыз Республикасынын Президентинин областтагы ыйгарым укуктуу өкүлүнүн балдардын жана ѳспүрүмдѳрдүн жайкы эс алуусун  уюштуруу боюнча областтык штабдын отурумунда Баткен областындагы чек ара коогалаңында жабыркаган үй-бүлөлөрдүн балдарын эс алуусун уюштуруу боюнча иш-аракеттерди жүргүзүү жагы тапшырылган. Ага ылайык, ушул жылдын 19-июнунан тартып “Кыргызнефтегаз” ААКтын Арстанбаптагы “Зорька” балдар эс алуу жайында Баткендин Лейлек районуна караштуу Арка, Достук, Кайрагач, Бешкент, Тагап айылдарынын чек ара жаңжалында жабыр тарткан үй-бүлөлөрдүн 100 баласы эс алды. Керектелүүчү чыгымдарга “Кыргызнефтегаз” ААКты тарабынан 742 миң сом акча каражаты сарпталды. Областтык ички иштер башкармалыгына тиешелүү Арстанбап айылында жайгашкан “Келечек” балдар лагери 2021-жылдын 22-июндан тарта ички иштер башкармалыгынын кызматкерлеринин 80 баласына эс алуу уюштурулган.