1,080 Бардыгы /

«Жалалабатэлектро» ААКнын башкы директору болуп, Паизов Азамат Мамазакирович дайындалды.

Директорлор кеңешинин чечими менен «Жалалабатэлектро» ачык акционердик коомунун директору болуп Азамат Паизов дайындалды. Ал буга чейин аталган компаниянын ишенимдүүлүк жана коопсуздук бөлүмүнүн башчысы болуп иштеп турган. Ал эми «Жалалабатэлектро» ААКтын кызматтан бошотулган башкы директору Дурусбек Рахманов, Жалал-Абад район электр тармактар ишканасынын жетекчиси болуп дайындалды. «Улуттук энергохолдинг» башкармалыгынын төрагасынын орун басары Замирбек Ходжомамбетов жаңы дайындалган жетекчилерди компаниянын жамааты менен тааныштырды. «Жалалабатэлектро» ачык акционердик коому облустагы 242 миңден ашык керектөөчү кызмат көрсөтүп, анда 1489 кызматкер эмгектенет.

Өмүр баяны жана иш тажрыйбасы

Паизов Азамат Мамазакирович 1969-жылы 27-ноябрда Сузак районуна караштуу Жийде айылында туулган. Ош технологиялык университетинин инженер-электрик факультетин аяктаган. 1987-1990-жылдары Сузак районундагы «Эркин» колхозунда жумушчу, 1990-1991 – ж Ош шаарындагы ФПИнин даярдоо факультетинде угуучу, 1991-1996 – ж Ош технологиялык университетинде студент, 1996-2001 – ж Жалал-Абад ПЭСинин ишенимдүүлүк жана коопсуздук бөлүмүнүн инженер-инспектору, 2001-2003 – ж «Жалалабатэлектро» ААКтын ишенимдүүлүк жана коопсуздук бөлүмүнүн башчысы, 2003-2004 – жылдары Жалал-Абад шаардык электр энергиясын сатуу ишканасынын жетекчисинин орун басары, 2005-2006 – ж «Жалалабатэлектро» ААКтын өндүрүштүк-техникалык бөлүмдүн инженери, 2006-2007 – ж «Жалалабатэлектро» ААКтын өндүрүштүк-техникалык бөлүмүнүн башчысы, 2007-2008 – ж Сузак район электр тармактар ишканасынын башкы инженери, 2008-2009 –ж Майлуу-Суу район электр тармактар ишканасынын жетекчиси, 2009-2010 –ж Базар-Коргон район электр тармактар ишканасынын жетекчиси, 2010-2013 –ж Жалал-Абад район электр тармактар ишканасынын жетекчиси, 2013-2021 –ж «Жалалабатэлектро» ААКтын башкы директорунун 1-орун басары, 2021-жылдын 24-апрелинен бүгүнкү күнгө чейин «Жалалабатэлектро» ААКтын ишенимдүүлүк жана коопсуздук бөлүмүнүн башчысы болуп иштеп турган.