1,665 Бардыгы /

ЖАЛАЛ-АБАД. Бүгүн, 1-октябрь-Эл аралык карылар күнүнө карата Жалал-Абад шаарында карылар күнүнө карата жашы улгайган инсандарга белектер тапшырылды.

Жалал-Абад шаарынын мэри Эрнисбек Ормоков баштаган жергиликтүү бийлик өкүлдөрү шаардагы улгайган адамдардан кабар алып, азык-түлүк салынган баштыктарды тапшырып кайтышты. Шаар башчысы карыяларды майрамы менен куттуктап жатып, аларга ар дайым өзгөчө көңүл буруу зарылдыгын белгиледи.

Эске салсак, Жалал-Абад шаардык мэриясы карыяларга камкордук көрүү максатында 15-сентябрдан 15-октябрга чейин бир айлык жарыялаган. Анын алкагында шаарда спорттук мелдештер, гүлдөр жарманкеси сыяктуу бир топ иш-чаралар өткөрүлүүдө.

 Жалал-Абад шаарында 80жаштан жогору курактагы 700дөн ашуун карыя бар.