816 Бардыгы /

ЖАЛАЛ-АБАД.  Кечээ, 15-ноябрда Жалал-Абад шаардык кеңешинин кезексиз сессиясында депутаттар жол акыны көтөрүү боюнча чечимди кабыл алышты. Бул тууралуу шаардык мэриясынын алдындагы маалымат борбору билдирди.

Жалал-Абад шаарындагы жүргүнчүлөрдү ташуу агенттиги күйүүчү майлардын жана тетиктердин баасы өскөндүгүн эске алуу менен кичи автобустардын жол акысын мектеп окуучуларына 5 сом, пенсионерлерге 8 сом, ал эми калган жүргүнчүлөр үчүн 15 сомго көтөрүүнү сунуштап, ал эл өкүлдөрү тарабынан колдоо тапты.

Жол акынын көтөрүлгөндүгүнүн себеби, күйүүчү май менен унаа тетиктердин баасынын жогорулагандыгы себеп болгон. 

 Белгилей кетсек, Жалал-Абад шаарында кичи автобустар мектеп окуучулары үчүн 5 сом, пенсионерлерге 8 сом, ал эми калган жүргүнчүлөр үчүн 10 сомдон жол кире алып келет. Бүгүнкү күндө калаада 150дөн ашык кичи автобус жүргүнчүлөргө кызмат көрсөтөт.