1,077 Бардыгы /

БИШКЕК. Америка Кошмо Штаттары (АКШ) Кыргыз Республикасына COVID-19-га каршы Pfizer вакцинасынын 49 140 дозасын тапшырды. Вакцианалар дүйнөдө COVID-19 вакциналардын жетиштүүлүгүн камсыз кылуу боюнча COVAX демилгеси аркылуу жеткизилди. АКШ бул вакциналарды Кыргыз Республикасында COVID-19 менен күрөшкө көмөк төшүп жатат.

• Коопсуз жана натыйжалуу вакциналардын элге жеткиликтүү болушу бул

пандемияны жеңүү үчүн абдан маанилүү. Мен бул вакциналар кыргызстандыктардын өмүрүн коргоого жана коркунучтуу жаңы варианттардын жайылышын алдын алууга жардам берет деп ишенем, – деди АКШнын Кыргыз Республикасындагы Убактылуу ишенимдүү өкүлү Соната Коултер.

Баса, бул АКШ тарабынан Кыргыз Республикасына берилген Pfizer вакциналарынын экинчи жолу жеткирилиши. Биринчи партия 2021-жылдын 27-октябрында келип түшкөн.

• Кыргызстанга 49 миң доза өлчөмүндөгү Pfizer-Biontech вакцинасынын

кезектеги партиясы тийди. Мен АКШны Өкмөтүнө жана COVID-19 менен күрөшүүдө бизге үзгүлтүскүз жардам берип жатышкан бардык өнөктөштөрүбүзгө терең ыраазычылышымды билдиремин! Pfizer-Biontech вакциналары кыргызстандыктарга октябрь айынын аягында жеткиликтүү болуп, 30 миңден ашуун адам эмдөөдөн өттү. Биз баарыбыз эмдөө COVID-19 менен күрөшүүнүн жана эмдөө алуунун эң натыйжалуу жолдорунун бири экенин түшүнүшүбүз керек. Биз биргелешкен күч-аракет менен гана коронавирустук пандемияга туруштук бере аларыбызга терең ишенем! – деди Кыргыз Республикасынын Саламаттык сактоо министри Алымкадыр Бейшеналиев.

Ошентип, пандемия башталгандан бери  АКШ Кыргыз Республикасында COVID-19 илдетин алдын алуу, аныктоо жана дарылоо үчүн 9 млн доллардан ашык каражат бөлүп берди. Мындан тышкары мынча каражат жеке коргонуу каражаттарын сатып алууга, лабораторияларды модернизациялоого, медициналык жана башка адистерди окутууга дагы багытталды.

Айтмакчы, АКШ COVID-19 пандемиясын токтотуу, мунун терс социалдык жана экономикалык кесепеттерин жумшартуу жана келечектеги эпидемияларга туруштук берүүгө даярдыгын жогорулатуу үчүн Кыргыз Республикасы менен өнөктөштүгүн мындан ары дагы ырааттуу түрдө улантат.

Алишер ТОКСОНБАЕВ, өз кабарчы