1,218 Бардыгы /

ЖАЛАЛ-АБАД.Кечээ, 22-декабрь күнү Жалал-Абад облусунда Энергетиктердин кесиптик күнү белгиленди.

Өкүлдүн маалымат кызматы билдиргендей майрамга карата “Жалалабатэлектро” ААКнын бир катар кызматкерлери Кыргыз Республикасынын Президентинин Жалал-Абад облусундагы ыйгарым укуктуу өкүлүнүн Ардак грамоталары менен сыйланды. Аларды облус башчысынын орун басары Ырысбек Ызабеков тапшырып, кесип ээлерин куттуктады.

Ырысбек Ызабеков, кызматкер тармактагы кыйынчылыктарга карабай өз милдеттерин так аткарып келе жаткандыгын белгиледи. Энергетиктер калктын муктаждыктарын камсыздап, бүгүнкү күндө кайсыл гана тармак болбосун анын үзгүлтүксүз иш алып баруусуна салымы чоң экенин айтты. Ал энергетика жаатындагы ырааттуу өнүгүүнү жана кызматкерлерге ден соолук каалады.