876 Бардыгы /

          ОШ. “Женго”” аймана аты менен таанымал кримтөбөл Кадыр Досонов үй камагына чыгарылды. Бул жөнүндө Ош облустук сотунун маалымат кызматынан билдиришти. А буга дейре жактоочу Назгүл Сүйүнбаева Facebook баракчасы аркылуу Кадыр Досонов УКМКнын Ош облусу жана шаары боюнча башкармалыгына өзү баргандыгын билдирген.

Баса, үстүбүздөгү жылдын 4-декабрында Жазык кодексинин 207-беренесинин (“Бөтөн жер участогун өзүм билемдик менен ээлеп алуу жана максаттуу багытын бузуу менен айыл чарба багытындагы жерлерге өзүм билемдик менен курулуш куруу”) 3-бөлүгү, 215-беренесинин (“Кылмыштуу жол менен алынган кирешелерди адалдоо”) 3-бөлүгү боюнча шектелген Кадыр Досоновдун жазык иши боюнча тергөө иши аяктаган. Ал эми 15-декабрда иш Кара-Суу райондук сотунун өндүрүшүнө алынган. Ал эми 17-декабрда айыпталуучунун жактоочусу соттук териштирүү башталганга чейин эле алдын ала угуу боюнча айыпталуучунун бөгөт чарасын өзгөртүүнү абдан суранган. Өтүнүч бул сураныч 23-декабрда каралып, дароо канааттандырылды.

Жазык-Процесстик Кодекстин 166-беренесинин талабына ылайык, айыпталуучу Кадыр Досоновго карата үй камагы түрүндөгү бөгөт чарасы 2022-жылдын 15-февралына чейин тандалып, сот залынан бошотулган. Бирок, ушул УКМКнын маалымат кызматы “Женго” каймана аты менен таанымал Кадыр Досоновго байланышкан ыкчам издөө иштери жүргүзүлүп жатканын кабарлаган. Расмий маалыматка караганда, Ош шаарындагы текшерүү иштеринин алкагында Кадыр Досонов жашынып жаткан үйдү табышкан. Ал үйдөн жеке каражаттары, буюмдары, ошондой эле уюлдук телефону табылган. Мындан тышкары тыюу салынган заттар, мунун ичинен маңгзат чыккан.

Ушундан улам Досоновдун жүргөн жерин аныктоо жана колго түшүрүү үчүн УКМК менен ИИМ тарабынан “Перехват” планы жарыяланган эле. Ал эми 11-февралда Досонов кармалып, УКМКнын абагына киргизилген.

          Алишер ТОКСОНБАЕВ, өз кабарчы