1,236 Бардыгы /

ЖАЛАЛ-АБАД. Кечээ, 25-январда Жалал-Абад шаарында “Спутник” коомдук алдын алуу борборунун ачылышы болуп өттү.

Жалал-Абад ОИИБдин басма сөз кызматы маалымдагандай бул борбор Жалал-Абад шаардык мэриясы, “Эл аралык толеранттуулук үчүн” фонду жана”Saferworld” уюмунун колдоосу менен ишке киргизилген. Анын ачылышына Кыргыз Республикасынын ИИМдин Коомдук коопсуздук кызматынын начальнигинин орун басары Нурлан Исмаилов, Жалал-Абад шаарынын мэри Эрнисбек Ормоков, Жалал-Абад шаардык кеңешинин төрагасы Нуртилек Орозбаев, Жалал-Абад ШИИБдин начальниги Алмаз Кубатбеков жана коомдук алдын алуу борборуна салым кошкондор катышышты.

Иш-чаранын алкагында ички иштер органдары менен тыгыз кызматташып, коомдук алдын алуу борборунун ачылышына зор салым кошкон инсандарга ИИМдин “Кыргыз милициясына 95 жыл” юбилейлик жана “Датка айым” медалдарытапшырылды. Ошондой эле милиция тарабынан баалуу белектер да ыйгарылды.

“Спутник” коомдук алдын алуу борборунда аймактык башкармалыктын кызматкерлери, аялдар жана жаштар комитети, аксакалдар соту жана участкалык инспекторлор иш алып барышат. Алар негизинен тейлеген аймактарында профилактикалык иштерди жүргүзүшөт.