1,392 Бардыгы /

ЖАЛАЛ-АБАД. Облустагы түндүк-түштүк альтернативдик унаа жолунун 334-340-чакырым аралыгында катталган массалык көчкүдө кар астында калган 4 жаранды издөө иштери уланып жатат. Бул тууралуу Президенттин облустагы ыйгарым укуктуу өкүлүнүн басма сөз билдирди.

Президенттин облустагы ыйгарым укуктуу өкүлүнүн биринчи орун басары Мамасалы Акматов издөө иштеринин жүрүшүн жеринен көрүп, тийиштүү тапшырмаларды берди.

Ыйгарым укуктуу өкүлдүн орун басары көчкүнүн көлөмү көп болуп, издөөдөгү кыйынчылыкка карабай жумуш уланып жатканын айтты. Тоннелдин эки тарабындагы көчкүнү тазалоого атайын техникалар тартылып, иш алып барылууда. Алар көчкү түшкөн тилкеге чейин жол ачуу аракетин көрүшүүдө. Техникалар аталган аймакка жетип, кол менен издөө иштерине көмөктөшө турганы билгиленди. Мындан сырткары бардык коопсуздук чараларын так сактоону тапшырды.

Мамасалы Акматов дагы да көчкү жүрүү кооптуулугу сакталып жаткандыктан, жолдун 350-чакырымына коюлган көзөмөл өткөрүү бекетин күчөтүлгөн тартипте иштөөсүн кошумчалады.

Жалпысынан Өзгөчө кырдаалдар министрлигинен 53 куткаруучу, 3 кинолог иттер менен, атайын издөө жана темир издөө каражаттары (металлоискатель) менен жүргүзүлүүдө. 8 атайын техника тагыраагы, эксковатор, бульдозер, грейдер жана унаа жүктөгүч тартылган. Түшкөн кардын көлөмү 1 млн. метр кубду түзөт.