1,014 Бардыгы /

ЖАЛАЛ-АБАД. Бүгүн 28-февралда Жалал-Абад ОИИБдин имаратында кызматта жетишкен ийгиликтери үчүн бир катар кызматкерлер сыйланышты. Ошондой эле ички иштер органдарында үзүрлүү эмгектенип, эс алууга чыккан ардагерлер дагы сыйлыктарга татыктуу болушту.

Жалал-Абад ОИИБдин басма сөз кызматы Аларга ИИМдин медаль, төш белгилери жана Жалал-Абад ОИИБдин ардак грамоталары тапшырылды. Кызматкерлердин жана ардагерлердин коомдук коопсуздукту сактоодо, кылмыштуулуктун алдын алууда жана ага каршы күрөшүүдө, өздөрүнүн кызматтык милдеттерине жоопкерчиликтүү мамиле кылгандыктары, өсүп келе жаткан жаш муундарды тарбиялоодо кошкон зор салымдары белгиленди.

70 жашка толгон ИИОнун ардагери Сүйүналы Абайдуллаевге ИИМдин “Кадырман” медалы, куттуктоо баракчасы тапшырылып, кыргыздын калпак, чепкени кийгизилди.

Жалал-Абад ОИИБдин начальниги милициянын полковниги Ашим Тагаев сыйлык ээлерин куттуктап, ийгиликтер болуусун каалады. Мындан ары дагы кылмыштуулуктун алдын алууда жана катталган кылмыштардын бетин ачууда талыкпастан эмгектенүүгө чакырды.