1,935 Бардыгы /

БАТКЕН. Баткен облусунун прокурору Нуркамал Набиев, Лейлек районунун прокурору Жуманазар Асадов жана Сүлүктү шаарынын прокурору Курсан Калмурзаев кызматынан бошотулду. Бул маалыматты Башкы прокуратуранын маалымат кызматынын жетекчиси Сирожиддин Камалдинов дагы тастыктады.

• Лейлек районундагы  жер чырына байланыштуу иш тергелип жатат. Булар мыйзамдуу чечим кабыл алынышы үчүн ээлеген кызматтарынан бошотулушту, – деп кошумчалады Башкы прокуратуранын маалымат кызматынын жетекчиси Сирожиддин Камалдинов.

Белгилей кетчү жагдай: иликтөөчү журналист Ыдырыс Исаков Лейлектеги жер бөлүштүрүүдөгү мыйзамсыздыктар жөнүндө атайын берүү даярдаган. Андан соң коомчулук прокуратура органдары бул ишти дыкат иликтөөсу зарыл экенин дагы айтышкан. Ыдырыс Исаковдун берүүсүндө мыйзамсыздык боюнча айтып чыккан Жаңы-Жер Айыл Өкмөтүнүн мурдагы башчылары Саатбек Эгембердиев менен Бекжан Жалилов, жооптуу катчы Акжол Абдуллаев камакка алынган. Буга нааразы болгон Лейлек районунун тургундары  нааразылык акцияларына дагыле чыгып жатышат.

Алишер ТОКСОНБАЕВ, өз кабарчы