1,389 Бардыгы /

ЖАЛАЛ-АБАД. Таш-Көмүр шаарында милиция Монополияга каршы жөнгө салуу кызматынын өкүлдөрү, жергиликтүү бийлик башчылары жана салык кызматынын кызматкерлери менен биргеликте соода түйүндөрүндө, базарларда ишкерлер тарабынан азык-түлүктөрдүн баасын жасалма түрүндө көтөрүү фактылардын алдын алуу максатында 2 жолу рейд уюштурулду.

Жалал-Абад ОИИБдин басма сөз кызматы маалымдагандай, анын алкагында май куюу жайларында, базарларда, соода түйүндөрүндө жетекчилер жана сатуучулар менен жолугушуулар болуп, бааны негизгиз көтөрбөө керектиги эскертилип, түшүндүрүү иштери жүргүзүлдү.

Ал эми Ала-Бука РИИБдин жетекчилиги Ак-Коргон айыл аймагынын тургундары менен милициянын көчмө кабылдама унаасында барып жолугушту. Анда жергиликтүү тургундардын көйгөйлүү маселелери ортого салынып, юридикалык кеңештер берилип, кээ бир иштери жеринде чечилди. Милиция кызматкерлери жарандарды курулай бедел күтпөй, ысырапкерчиликтен алыс болууга чакырышты.

Профилактикалык жумуштар Ноокен РИИБдин Экстремизмге жана мыйзамсыз миграцияга каршы аракеттенүү кызматы тарабынан да жүргүзүлдү. Кочкор-Ата колледжинин студенттери менен болгон жолугушууда диний экстремизмдин, улуттар аралык чыр-чатактардын алдын алуу боюнча лекциялар окулду. Ошондой эле жаштардын кызыктырган суроолоруна жооптор берилип, кенен маектешүүлөр орун алды.