1,002 Бардыгы /

ЖАЛАЛ-АБАД. Жалал-Абад шаарынын Спутник кичи районундагы курулуштар муниципалдык жерге 4 метрге чейин чыгып кеткендигине байланыштуу Жеңи-Жок көчөсүндөгү ЖАМУнун жатаканасынын көрктөндүрүүгө жана тротуар курууга деп каралган муниципалдык жерге орнотулган тосмолору алынды.

Жалал-Абад шаардык мэриясынын маалымат борбору билдиргендей, аталган көчөдө тротуарга чыгып кеткен 10дон ашык курулуш бар. Алдыда алардын бары буздурулуп, ордуна тротуар куруу жана жашылдандыруу иштери жүргүзүлөт.

Эске салсак, шаар мэри Эрнисбек Ормоковдун тапшырмасы менен буга чейин Ленин көчөсүндөгү автобекеттин жана “Стамбул” кафесинин  муниципалдык жерди мыйзамсыз курчап турган тосмолору буздурулган болчу. Алдыда шаардын бардык аймагында мындай иш-аракет улантылат.