852 Бардыгы /

ЖАЛАЛ-АБАД. Жалал-Абад облусунун аймагында кылмыштуулуктун алдын алуу максатында милиция тарабынан «Бирдиктүү алдын алуу» күнү өткөрүлдү.

Жалал-Абад ОИИБдин басма сөз кызматы билдиргендей, анын алкагында шаардык жана райондук ички иштер бөлүмдөрү тарабынан курал-жарак сактоо эрежелери, чет элдик номердеги автоунаалар текшерилип, жашоочулардын даректери боюнча тактоо иштери жүргүзүлдү.

Мал жана мүлк уурулуктарынын, үй-бүлөлүк зордук-зомбулуктардын, балдар арасында топтошуп мушташуулардын жана сууга чөгүүлөрдүн алдын алуу максатында калк арасында профилактикалык жумуштар алып барылды. Сууга түшүүгө кооптуу аймактарга эскертүү тактайчаларын орнотуу иштери колго алынды.

Милициянын көчмө кабылдамасы жарандарды жеринде кабыл алып, жергиликтүү тургундарга юридикалык кеңештер берилди.Мындан сырткары ысырапкорчулукка бөгөт коюу максатында түшүндүрүү иштери жүргүзүлдү.

2022-жылдын 4 айында жүргүзүлгөн бирдиктүү алдын алуунун жыйынтыгында 24 кылмыштын бети ачылган. Ар түрдүү багытта 96 протокол толтурулуп, 95500 сомдук айып пулдар салынган.