1,158 Бардыгы /

ЖАЛАЛ-АБАД. Аксыда облустук жарандык коргонуу мамлекеттик тутумунун башкаруу органдарынын күч каражаттарын тартуу менен  2 күндүк командалык штабдык машыгуу өткөрүлдү.

Жалал-Абад ОИИБдин басма сөз кызматы билдиргендей, машыгууга Жалал-Абад ОИИБдин Коомдук коопсуздук кызматынын начальниги, милициянын полковниги Алмазбек Жусупов, Аксы РИИБдин начальниги, милициянын полковниги Айылчы Мырзамамытов, РИИБдин өздүк курамы, ЖКККБнын, ӨКМ жана райондогу мекеме-ишканалардын кызматкерлери катышышты.

Жаз-жай мезгилдеринде аба-ырайынын кескин өзгөрүүсүнөн улам жер көчкү, сел суу ташкындары жана өрт кырсыктары катталган учурда милиция кызматкерлеринин аткара турган жумуштары көрсөтүлдү. Машыгуунун алкагында табигый кырсык катталган аймактарда жарандардын өмүрүнө зыян келтирбөө, материалдык чыгымдарды азайтуу, мүлктөрдү талап-тоноодон коргоо, коомдук тартипти сактоо, жарандардын жана жол кыймылынын коопсуздугун камсыз кылуу максатында курчоого алуу жана кайгуул-күзөт багыттары уюштурулду.

Милиция өз багытында коюлган тапшырмаларды толугу менен аткарууга алды жана коомдук коопсуздукту көзөмөлдөдү.