859 Бардыгы /

ЖАЛАЛ-АБАД. Бүгүн, 1-июнь күнү Аксы районунда 1-июнь “Эл аралык балдарды коргоо” күнүнө карата Кербен шаарындагы “Алтын казык” кинотеатрында майрамдык иш чара өткөрүлүп, концерттик программа менен коштолду.

Аксы районунун мамлекеттик администрациясы маалымдагандай, аталган салтанатта Ж. Бекболотов атындагы балдар чыгармачылык үйүнүн жаш таланттары өз өнөрлөрүн келген конокторго тартуулап, кечени көркүнө чыгарышты.  Бүгүнкү майрамга райондун мамлекеттик администрациясы, Кербен шаарынын мэриясы, шаардык кеңештин депутаттары, райондук эмгек, социалдык камсыздоо жана миграция башкармалыгынын жетекчилиги балдарды куттукташып, баалуу белектерди жана акчалай сыйлыктарды тапшырышты.

Мындан сырткары Кербен шаарынын аймагындагы мектептердин арасында сүрөт конкурсу уюштурулуп жеңүүчүлөрүн акчалай сыйлыктар менен сыйлашты.

Ошондой эле майрамдын катышуучуларына жана келген конокторго Аксы районунун мамлекеттик администрациясынын жана демөөрчүлөрдүн атынан балмуздактар таратылды.

Иш-чара райондун бардык айыл аймактарында белгиленип, жогорку уюшкандыкта ѳткѳрүлдү.